23 лiстапада 2019, сб 2:17

Разгар сезонных работ у Літве: колькі можна зарабіць за лета? 4

13:45 12.06.2019 — Грамадства

Больш за ўсё часовых работ на курортах і ў сельскай мясцовасці.

Выкарыстанне прагрэсіўных тэхналогій і найноўшага абсталявання абумоўлівае памяншэнне прапановы сезоннай працы, асабліва ў сферы паслуг, піша delfi.lt.

Неабходнасць у рабочай сіле зніжаюць тэрміналы і касы самаабслугоўвання, аўтаматы гандлю і арэнды, якія прадстаўляюць кліентам магчымасць карыстацца гэтымі паслугамі ў кожны час дня. Магчыма, што ў будучыні з папулярызацыяй такіх тэхналогій, аўтаматызацыі абсталявання сезоннасць рынку працы аслабее.

У 2018 годзе працадаўцы Літвы на сезонную працу рэгістравалі 19100 прапаноў - гэтыя прапановы складаюць 8% усіх зарэгістраваных у Службе занятасці свабодных працоўных месцаў. За 4 месяцы гэтага года працадаўцы падалі 6700 тэрміновых прапаноў сезоннай працы. Прагназуецца, што ў 2019 годзе прапаноў тэрміновай працы будзе зарэгістраванае на 2-3% больш, чым у 2018 годзе.

Больш за ўсё прапаноў тэрміновай працы - у красавіку і траўні

Аналіз звестак мінулага года паказвае, што працадаўцы сезонных рабочых актыўна шукаюць у красавіку і траўні, пэўнае ажыўленне адчуваецца і ў сакавіку, а таксама ў жніўні. У пачатку вясны і восені больш прапаноў тэрміновай працы рэгіструецца для работнікаў лясной гаспадаркі: аператараў перасоўнага абсталявання сельскай і лясной гаспадаркі, работнікаў лясной і сельскай гаспадаркі (раслінаводства, садоўніцтва).

Ажыўленне ў красавіку і траўні адчуваецца ў сферы паслуг. Прадпрыемствы харчавання і гандлю падчас падрыхтоўкі да летняга сезона актыўна пачынаюць шукаць работнікаў. На часовай працы бракуе прадаўцоў, супрацоўнікаў залы, касіраў у вялікіх гандлёвых цэнтрах і абсталяваных на вуліцах маленькіх гандлёвых месцаў (прадаўцоў марозіва і фруктовай вады, розных сувеніраў, супрацоўнікаў пункта пракату ровараў, ролікаў і сегвеяў), супрацоўнікаў кавярняў і рэстарацый (афіцыянтаў, бармэнаў, кухараў, падсобных рабочых).

Таксама часта шукаюць дадатковыя працоўныя рукі для замены сталых супрацоўнікаў падчас іх адпачынку.

Больш за ўсё часовых работ на курортах і ў сельскай мясцовасці

Шмат прапаноў працы ў сферы паслуг на курортах. На марскіх курортах шукаюць супрацоўнікаў устаноў харчавання і размяшчэння, кухараў, афіцыянтаў, бармэнаў, падсобных рабочых, прадаўцоў (асабліва для раздробнага продажу: марозіва, ахаладжальных напояў, сувеніраў, квіткоў), ахоўнікаў. Гатэлям патрабуюцца адміністратары, пакаёўкі, дапаможны персанал. Вялікі попыт на сезонную працоўную сілу і ў прадпрыемствах сферы абслугоўвання (у арганізацыі харчавання і вольнага часу) у вялікіх гарадах.

Сельская гаспадарка больш развіваецца ў невялікіх гарадах, далей ад вялікіх, у іх часцей шукаюць жывёлаводаў, земляробаў, аператараў сельскагаспадарчай тэхнікі, падсобных рабочых, супрацоўнікаў сельскай гаспадаркі лясной гаспадаркі, якія могуць якасна пасадзіць і абрэзаць лес, працаваць у гадавальніках, гаспадарках, дапамагчы ў працах па садзе і гародзе.

Сектар будаўніцтва найбольш пашыраны ў вялікіх гарадах, у іх з пачаткам новага будаўнічага сезону павялічваецца і колькасць працоўных прапаноў для будаўнікоў рознай спецыялізацыі. Для будаўнічых работ пад адкрытым небам неабходна больш страхароў, бетоншчыкаў і зваршчыкаў.

Які заобак прапануюць сезонным рабочым?

Калі для выканання работ неабходная кваліфікацыя і спецыфічныя навыкі, заробак у сферах паслуг і сельскай гаспадаркі пачынаецца ад 450 еўраў «на рукі». У такой суме сярэдні заробак у 2018 годзе быў прапанаваны страхарам, прыбіральшчыкам офісаў і гатэляў, пакаёўкам і іншым падсобным рабочым. Заробак залежыць ад дасягнутых вынікаў работы, таксама супрацоўнікі кавярняў і рэстарацый разам з заробкам дадаткова атрымліваюць чаявыя.

Для супрацоўнікаў з больш высокай кваліфікацыяй грошай крыху больш. З працаўнікоў сельскай гаспадаркі больш за ўсё прапаноў сезоннай работы накіравана супрацоўнікам лясной гаспадаркі і трактарыстам - прапануецца сярэдні заробак сумай адпаведна 960 еўраў і 700 еўраў. Зваршчыкам прапануюць агулам 550 еўраў, будаўнікам - 595 еўраў, пекарам і кандытарам - 563 еўры.

У Літву на сезонную працу прыбываюць у 4,6 разы больш грамадзян трэціх краін

Для развязання праблемы недахопу сезонных рабочых у Літве ў 2018 годзе замежнікам выдадзеныя 282 дазволы на сезонную працу, гэта ў 4,6 разы больш, чым у 2017 годзе. Пры атрыманні гэтага дазволу грамадзяне трэціх краін у Літве могуць працаваць не даўжэй за 6 месяцаў цягам 12-месячнага перыяду.

Больш за ўсё дазволаў на сезонную працу замежнікам выдадзенае ў сферах паслуг у засяленні і харчаванні, падрыхтоўцы прадуктаў харчавання, дарожнага рамонту, торфараспрацовак. Дазволы на сезонную працу ў Літве былі выдадзеныя грамадзянам 6 краін - 80% усіх дазволаў выдадзена грамадзянам Украіны.

Напісаць каментар (4)