Сіноптыкі: Лета ў Беларусь вернецца да выходных

Прагноз надвор'я на тыдзень.

Цягам тыдня будзе прахалоднае з дажджамі надвор'е, і толькі да выхадных яно палепшыцца: пацяплее. Пра гэта паведамілі tut.by ў Белгідрамеце Мінпрыроды.

16 ліпеня ў аўторак, уначы месцамі ў Гомельскай і Магілёўскай абласцях, а ўдзень на большай частцы тэрыторыі Беларусі пройдуць кароткачасовыя дажджы, удзень у асобных раёнах навальніцы. У начныя і ранішнія гадзіны месцамі слабы туман. Тэмпература паветра мінімальная ўначы -7...13°С, максімальная тэмпература ўдзень +19...25°С.

17 ліпеня, у сераду, надвор'е ў Беларусі будуць вызначаць атмасферныя франты цыклона, шляхі якога пройдуць уздоўж паўночна-ўсходніх межаў нашай краіны. Чакаецца перавага хмарнага надвор'я, часам дажджы. Удзень у асобных раёнах магчымыя навальніцы. У начныя і ранішнія гадзіны месцамі слабы туман. Тэмпература паветра мінімальная ўначы +8...14°С, максімальная тэмпература ўдзень +16...22°С.

У чацвер, 18 ліпеня, чакаецца няўстойлівае надвор'е, часам дажджы рознай інтэнсіўнасці, удзень дажджы будуць суправаджацца парывістым ветрам. Тэмпература паветра мінімальная ўначы +8...14°С, максімальная тэмпература ўдзень складзе ад +15°С на паўночным усходзе да +23°С на паўднёвым захадзе краіны.

19 ліпеня, у пятніцу, надвор'е пачне паляпшацца, але часам не абыдзецца без кароткачасовых дажджоў. У начныя і ранішнія гадзіны ў асобных раёнах слабы туман. Тэмпература паветра мінімальная ўначы +8...15°С, максімальная тэмпература ўдзень складзе ад +17°С на паўночным усходзе да +26°С на паўднёвым захадзе краіны.

У суботу і нядзелю, 20 і 21 ліпеня, надвор'е будзе вызначаць вобласць павышанага атмасфернага ціску і цёплая няўстойлівая паветраная маса. Уначы пераважна без ападкаў, удзень у асобных раёнах краіны пройдуць кароткачасовыя дажджы, магчымыя навальніцы. У начныя і ранішнія гадзіны месцамі слабы туман. Тэмпература паветра мінімальная ў начны час +9...16°С, максімальная тэмпература ўдзень у суботу 20...27°С, у нядзелю 22...29°С.