Фотафакт: Францыя спусціла на ваду атамную субмарыну новага пакалення

Новыя караблі будуць стаяць на ўзбраенні прынамсі да 2060 года.

Французская абаронная кампанія Naval Group 12 ліпеня 2019 года спусціла на ваду першую атамную падводную лодку новага пакалення, пабудаваную паводле праекта «Баракуда».

Падлодка, якая атрымала імя Suffren («Сюфрэн»), ужо пачала швартоўныя выпрабаванні. Як чакаецца, марскія хадавыя выпрабаванні карабля пачнуцца ў другой палове 2020 года, паведамляе N+1 са спасылкай на Jane's (пераклад - unian.net).

Праект атамных падводных лодак Barracuda («Баракуда») распрацоўваўся ў Францыі з пачатку 2000-х гадоў. Новыя караблі ў складзе французскай флоту павінны будуць паступова замяніць устарэлыя атамныя падлодкі тыпу Rubi («Рубі»), якія паступалі на ўзбраенне з 1983 года. Агулам французскія вайскоўцы маюць намер прыняць на ўзбраенне шэсць падлодак тыпу «Сюфрэн».

Падводнае водазмяшчэнне падлодкі «Сюфрэн» складае 5,3 тысячы тон пры даўжыні 99,5 метра і шырыні 8,8 метра. Карабель абсталяваны атамным рэактарам K15 магутнасцю 150 мегават і здольны развіваць хуткасць да 25 вузлоў. Падлодка ўзброеная чатырма тарпеднымі апаратамі калібру 533 міліметра для запуску тарпед і ракет, а таксама пастаноўкі мінных загарод.

У канструкцыі французскай падлодкі рэалізаваныя некалькі новых развязанняў, уключаючы вадамётны рухавік і X-падобнае стырно, размешчаныя ў хваставой частцы. Выкарыстанне новага рэактара дазволіла павялічыць час паміж перазарадкай энэргетычнай устаноўкі з сямі да дзесяці гадоў.

Падлодка «Сюфрэн» дапускае перавозку спецыяльнага мабільнага кантэйнера, замацаванага за рубкай. У гэтым кантэйнеры можна размяшчаць узбраенне і абсталяванне 12 дэсантнікаў сіл спецыяльных аперацый. Новыя караблі будуць стаяць на ўзбраенні прынамсі да 2060 года.