Дайнюс Радзявічус: У Літве «Спадарожнік» парушаў аўтарскае права і краў матэрыялы

Прапагандысцкі партал дзейнічае варварскімі метадамі, не прымальнымі ў цывілізаваных краінах.

У Літве заблакавалі літоўскамоўную версію расейскага партала навін «Спадарожнік». Прычына блакавання - парушэнне аўтарскіх правоў. Пра тое, што адбываецца са «Спадарожнікам» у Літве сайту Charter97.org падрабязна распавёў старшыня Саюза журналістаў Літвы Дайнюс Радзявічус.

- Чаму ў Літве заблакавалі «Спадарожнік»?

- «Спадарожнік» злосна парушае аўтарскія правы літоўскай дзяржаўнай тэле- і радыёкампаніі (ЛРТ). ЛРТ спрабавала звязацца з рэдакцыяй «Спадарожніка» і запатрабаваць, каб тая, у сваю чаргу, выдаліла са старонкі свайго партала скрадзеныя матэрыялы.

Кіраўніцтва «Спадарожніка» наважыла праігнараваць гэтае патрабаванне, таму не варта здзіўляцца, што рэгулятару давялося звярнуцца да такога захаду, як блакаванне рэсурсу. Як толькі «Спадарожнік» пагодзіцца выдаліць скрадзены кантэнт або дамовіцца з кіраўніцтвам ЛРТ з нагоды аўтарскіх правоў, то блакаванне спыніцца.

- У расейскіх сродках масавай інфармацыі гавораць пра тое, што «Спадарожнік» «зазнае дыскрымінацыю»...

- Блакуецца не сам «Спадарожнік», а доступ да выкрадзеных і затым нелегальна размешчаных рэдакцыяй гэтага партала матэрыялах ЛРТ. У Літве дастаткова такіх парталаў як «Спадарожнік», якія крадуць чужыя матэрыялы і затым размяшчаюць на сваіх старонках. У найбліжэйшай будучыні такой практыцы прыйдзе канец. Крадзеж аўтарскіх матэрыялаў у Літве забаронены і гэта нічога не мае агульнага з тымі ці іншымі парталамі. Перад законам роўныя ўсе.

Рэдакцыя «Спадарожніка» дзейнічае варварскімі метадамі, у цывілізаваных краінах так не паступаюць.

- Новыя апытанні грамадскай думкі паказваюць на тое, што на літоўскіх тэлевізійных каналах скарачаецца колькасць тэлеперадач і фільмаў на расейскай мове. Чаму?

- Думаю таму, што скарачаецца колькасць людзей, якія разумеюць расейскую мову, адчуваюць сувязь з расейскай культурай і хацелі б пры гэтым спажываць тэлепрадукцыю, вырабленую ў Расеі ці на Усходзе. Тэлеканалы рэагуюць на змены сваёй аўдыторыі і прапануюць сваім гледачам іншы кантэнт.

- На вашу думку, хто з'яўляецца асноўнай аўдыторыяй тэлевізіі на расейскай мове ў Літве?

- Паводле статыстыкі і апытанняў грамадскай думкі, гэта людзі старэйшага ўзросту, якія ў якасці замежнай мовы ведаюць толькі расейскую мову. То бок, гэта людзі, якія валодаюць толькі адной замежнай мовай - расейскай.

Як правіла, людзі шукаюць і затым спажываюць кантэнт: навіны, фільмы, перадачы на тых мовах, якія добра ведаюць - літоўскай, расейскай, ангельскай, нямецкай, польскай і іншых мовах. Тыя, хто валодае толькі расейскай, на яе і асуджаныя.

Калі вам спадабаўся артыкул, вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL 97 1160 2202 0000 0002 1671 1123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com