Ва Украіне параду на Дзень Незалежнасці не будзе: Зяленскі падпісаў указ
27- 15.07.2019, 17:18
- 14,186
Прадугледжаныя іншыя ўрачыстыя мерапрыемствы.
Прэзідэнт Украіны Уладзімір Зяленскі даручыў Кабінету міністраў Украіны распрацаваць, зацвердзіць і забяспечыць выкананне плана мерапрыемстваў для святкавання 28-й гадавіны незалежнасці Украіны. Ні адзінай згадкі аб вайсковым парадзе ва ўказе няма.
Пра гэта гаворыцца на сайце прэзідэнта Украіны, піша unian.net.
Так, 23 жніўня - у Дзень Дзяржаўнага сцяга Украіны - адбудзецца цырымонія яго ўзняцця.
На Дзень Незалежнасці, 24 жніўня прадугледжаны ўрачыстыя мерапрыемствы - напрыклад, ускладанне кветак да помнікаў. У гэты дзень з нагоды 28-й гадавіны абвяшчэння незалежнасці Украіны плануюцца тэматычныя навуковыя канферэнцыі і круглыя сталы, а таксама інфармацыйна-адукацыйныя і патрыятычна-выхаваўчыя мерапрыемствы.
Акрамя таго, кіраўнік дзяржавы даручыў Кабінету міністраў звярнуцца да рэлігійных арганізацыяў з прапановай правесці 24 жніўня малебны за Украіну, а МЗС - забяспечыць святкавання ва ўкраінскіх установах, размешчаных за мяжой.
9 ліпеня Зяленскі заявіў, што параду на Дзень Незалежнасці сёлета не будзе. Замест таго, каб ладзіць традыцыйнае на 24 жніўня пампезнае і нятаннае дзейства, кіраўнік дзяржавы прапанаваў выдаткаваць запланаваную на яго правядзенне суму - 300 млн грыўняў - на прэміі ўкраінскім вайскоўцам.