У Канадзе шахцёры знайшлі амаль ацалелы шкілет старажытнай марской рэптыліі
- 15.07.2019, 16:33
- 11,702
Такі род дыназаўр жыў на Зямлі блізу 70 мільёнаў гадоў таму.
У Канадзе група шахцёраў падчас працоўнай змены знайшла косткі вымерлай рэптыліі, вядомай як мозазаўр (род Tylosaurus). Пра гэта паведамляе выданне Arkeolojik Haber (пераклад - «Апостроф»).
Такі род дыназаўраў жыў на Зямлі блізу 70 мільёнаў гадоў таму. Тады ён жыў у моры, якое знаходзілася на тэрыторыі, дзе цяпер размешчаная канадская правінцыя Альберта. Вадаём распасціраўся на тэрыторыі ад Мексіканскай затокі да Паўночнага Ледавітага акіяна.
Мозазаўр - дагістарычны марскі драпежнік, які быў цеплакроўным. Памер яшчара дасягаў 17 метраў у даўжыню.
Шахцёры здолелі захаваць увесь шкілет дыназаўра ад галавы да кончыка хваста, ласты пры гэтым адсутнічалі. У момант выяўлення яшчара яны былі занятыя пошукам амалітаў - старажытных каштоўных камяней колеру вясёлкі (закамянеласці марскіх малюскаў з круглай ракавінай).