Анджэй Дуда: Польшча і Славакія - за збліжэнне Украіны з ЕЗ і NATO

Прэзідэнт Польшчы заявіў аб падтрымцы Украіны ў яе імкненні да стабільнасці і захавання поўнага суверэнітэту.

Варшава і Браціслава выступаюць за аднаўленне тэрытарыяльнай цэласнасці Украіны, а таксама за збліжэнне Украіны з ЕЗ і NATO. Пра гэта падчас супольна прэс-канферэнцыі ў Варшаве з прэзідэнтам Славакіі Зузанай Чапутовай заявіў прэзідэнт Польшчы Анджэй Дуда, піша Укрінфарм.

"Мы абодва перакананыя, што трэба падтрымліваць Украіну ў яе імкненні да стабільнасці, да захавання поўнага суверэнітэту, поўнай незалежнасці, а такім чынам - да спынення акупацыі Данбаса, Луганска і Крыма, а перш за ўсё да рэалізацыі рэфарматарскіх і праеўрапейскіх дзеянняў Украіны", - заявіў Дуда.

Дуда паведаміў, што падчас перамоваў са славацкім лідарам абмяркоўваліся таксама пытанні двухбаковага супрацоўніцтва, супрацоўніцтва ў межах Вышаградскай чацвёркі і рэалізацыі ініцыятывы Трох мораў.

Прэзідэнт Польшчы падзякаваў Чапутовай за тое, што яна пасля абрання на пасаду прэзідэнта Славакіі свае першыя замежныя візіты ажыццяўляе ў краіны "Вышаградскай групы".