Міністарка абароны Нямеччыны фон дэр Ляен абвясціла пра сыход у адстаўку
- 15.07.2019, 18:57
- 6,599
Урсула фон дэр Ляен будзе балатавацца на пасаду старшыні Еўракамісіі.
Міністарка абароны Нямеччыны Урсула фон дэр Ляен паведаміла ў панядзелак, 15 ліпеня, аб намеры пакінуць сваю пасаду.
Чакаецца, што на наступны дзень фон дэр Ляен выставіць сваю кандыдатуру на пасаду старшыні Еўрапейскай камісіі. Каб яна магла заняць гэтую пасаду, яе кандыдатуру павінен будзе зацвердзіць Еўрапарламент, паведамляе DW.
Meine Entscheidung für Europa. pic.twitter.com/NWGc1QabX0
— Ursula von der Leyen (@vonderleyen) July 15, 2019
Са слоў фон дэр Ляен, яна збіраецца скласці з сябе паўнамоцтвы міністра абароны ў сераду, 17 ліпеня, незалежна ад таго, ці будзе яна абраная на пасаду старшыні Еўракамісіі.
"Я хачу заручыцца даверам Еўрапейскага парламента. Незалежна ад выніку галасавання, я збіраюся ў сераду скласці з сябе паўнамоцтвы міністра абароны, каб накіраваць усе мае сілы на службу Еўропе, - паведаміла палітык на сваёй старонцы ў Twitter. - За гады, праведзеныя з разам бундэсверам, я адчуваю глыбокае пачуццё падзякі".
Галасаванне аб кандыдатуры фон дэр Ляен павінна адбыцца ў Брусэлі 16 ліпеня а 18.00 гадзіне. Для перамогі ёй трэба будзе заручыцца падтрымкай як мінімум 374 з 747 дэпутатаў.
У пачатку ліпеня 2019 года Еўрапейская Рада нечакана прапанавала на пасаду кіраўніка Еўракамісіі кандыдатуру Урсулы фон дэр Ляен, якая з'яўляецца, як і канцлерка ФРГ Ангела Мэркель, чальцом Хрысціянскай-дэмакратычнай уніі (ХДУ). Да гэтага моманту найбольш імавернымі кандыдатамі на гэтую пасаду ўважалася паплечнік фон дэр Ляен з ХДУ Маркус Вэбер) і сацыял-дэмакрат з Нідэрландаў Франс Тымерманс.