29 сакавiка 2024, Пятніца, 13:56
Падтрымайце
сайт
Сім сім,
Хартыя 97!
Рубрыкі

Фінляндыя падняла знішчальнікі праз тры вайсковыя самалёты РФ

9
Фінляндыя падняла знішчальнікі праз тры вайсковыя самалёты РФ

Знішчальнікі ВПС Фінляндыі былі ўзняты над Балтыйскім морам.

Знішчальнікі ВПС Фінляндыі ў панядзелак былі паднятыя ў паветра для ідэнтыфікацыі трох расейскіх самалётаў над Балтыйскім морам.

Пра гэта паведамляе "Еўрапейская праўда" са спасылкай на заяву фінскіх вайскоўцаў.

"15 ліпеня знішчальнікі F/A-18 Hornet былі паднятыя для ідэнтыфікацыі расейскіх самалётаў Ту-160, А-50 і Су-35 у міжнароднай паветранай прасторы над Фінскай затокай і паўночнай часткай Балтыйскага мора", - гаворыцца ў паведамленні.

У фінскіх ВПС адзначылі, што паветраная прастора Фінляндыі не была парушаная.

Ту-160 - звышгукавы стратэгічны бамбавік-ракетаносец з крылом зменлівай стрэлападобнасці. Гэта - самы цяжкі баявы самалёт у свеце, а таксама самы хуткасны бамбавік на ўзбраенні РФ.

А-50 - расейскі самалёт далёкага радыёлакацыйнага выяўлення і кіравання. Створаны на базе вайскова-транспартнага самалёта Іл-76.

Су-35 - расейскі шматцэлевы звышманеўраны знішчальнік пакалення 4++.

Напісаць каментар 9

Таксама сачыце за акаўнтамі Charter97.org у сацыяльных сетках