ЗША адклалі ўвядзенне мыт на кітайскія тавары да снежня

Кошт нафты падскочыў на пастанову ЗША адкласці мыты на кітайскія тавары.

ЗША адклалі ўвядзенне мыт на некаторыя тавары з КНР, гаворыцца ў паведамленні амерыканскага гандлёвага прадстаўніцтва.

Гаворка ідзе пра падвышэнне тарыфаў на 10% на тавары коштам $300 млрд, якое адбудзецца 1 верасня. Для некаторых з іх увядзенне мыт было адкладзенае да 15 снежня. У гэты спіс увайшлі смартфоны, партатыўныя кампутары, гульнявыя кансолі, маніторы і некаторыя прадметы абутку і адзення, паведамляе РБК.

Пра ўвядзенне новых мыт прэзідэнт Дональд Трамп абвясціў пасля перамоў з Кітаем 1 жніўня. На думку кіраўніка дзяржавы, КНР не выканала папярэднія дамоўленасці. Між іншым, Кітай абавязаўся закупіць сельскагаспадарчую прадукцыю ў вялікіх аб'ёмах, але так і не зрабіў гэтага. Акрамя таго, лідар КНР Сі Цзіньпінь абяцаў спыніць продаж у ЗША фентанілу, опіумнага анальгетыку, чаго так і не адбылося, сцвярджаў Трамп.

Акрамя мыт на $300 млрд ЗША ўжо павысілі тарыф да 25% у дачыненні да шэрагу кітайскіх тавараў на суму $250 млрд. Гэта было зроблена ў траўні 2019 года.

Кошты нафты рэзка выраслі, а рынкі акцый ва ўсім свеце ўскінуліся ўверх на навінах пра тое, што ЗША прынялі пастанову адкласці ўвядзенне 10-працэнтных мыт на кітайскі імпарт у аб'ёме 300 млрд даляраў у год.