У ЗША бейсбольны заўзятар наважыў падтрымаць каманду незвычайным спосабам
1- 17.09.2019, 16:17
- 12,939
У сацсетках яго называюць «героем» і «сапраўдным фанатам».
На бейсбольным стадыёне Рыгл-Філд у Чыкага прайшоў матч паміж камандамі «Чыкага Кабс» і «Цынцынаці Рэдс». Фанат «Чыкага» па імі Ёгі наважыў падтрымаць улюбёных спартоўцаў незвычайным спосабам. У нейкі момант ён падняўся са свайго месца і пачаў бойка прытанцоўваць. Пры гэтым Ёгі ўтрымліваў кепку на ўласным ілбе (на адным брылі!), піша «Медуза».
Спартовыя каментатары звярнулі ўвагу на фаната - і пачалі хваліць яго грацыю. Пазней у Ёгі ўзяла інтэрв'ю журналістка NBC Sports. На відэа фанат проста ззяе ад радасці: «Я ўжо адчуваю сябе знакамітым!» Як высветлілася з кароткага інтэрв'ю, калісьці Ёгі выступаў у цырку, дзе паказваў падобныя трукі.
.@Kelly_Crull went straight to the bleachers after this.
— Cubs Talk (@NBCSCubs) September 17, 2019
Meet our new hero, Yogi! #AuthenticFan pic.twitter.com/ZJHPOAYOU6
Ёгі не памыліўся - ён сапраўды стаў знакамітым. Ролік з яго выдатным трукам трапіў на галоўную старонку Reddit. У сацсетках яго называюць «героем» і «сапраўдным фанатам».