Беларусь не дамаглася ад РФ поўнай кампенсацыі за «брудную» нафту

Пра гэта заявіў намеснік старшыні «Белнафтахіма».

Беларусь працягне перамовы з Расеяй для кампенсацыі страт ад бруднай нафты. Пра гэта паведаміў 17 верасня намеснік старшыні «Белнафтахіма» Уладзімір Сізаў.

Прадстаўнік канцэрна адзначыў, што частка зафіксаванай шкоды ўжо кампенсаваная, але засталіся пытанні адносна недаатрыманых даходаў за транзіт нафты, недазагрузку нафтаперапрацоўчых заводаў і шкоды абсталяванню, паведамляе БелТА.

З яго слоў, канкрэтныя сумы кампенсацыі вызначаць перамовы з расейскім бокам.