Колькасць замежнікаў, якія жывуць у Нямеччыне, дасягнула рэкорднага ўзроўню

У краіне пражывае ўдвая больш людзей, якія не маюць нямецкага пашпарта, чым у год аб'яднання Нямеччыны.

Паводле звестак Цэнтральнага рэестра для рэгістрацыі замежнікаў, колькасць грамадзян іншых краін, якія жывуць у Нямеччыне, дасягнула рэкорднага ўзроўню. Паводле звестак на 30 верасня 2019 года, у краіне пражывалі 11,14 млн людзей, якія не маюць нямецкага пашпарта. Пра гэта ў пятніцу, 24 студзеня, паведаміла выданне Der Spiegel са спасылкай на базу Федэральнага ведамства па адміністрацыйных справах, піша dw.com.

Гэты паказчык на два працэнты большы, чым у канцы 2018 года і ў два з лішнім разы вышэйшы, чым у 1990 годзе. Тады ў уз'яднанай Нямеччыне было зарэгістравана 5,34 мільёны замежных турыстаў.

Як адзначаецца, павелічэнне долі замежнікаў, што пастаянна жывуць у Нямеччыне, звязана шмат у чым з прытокам уцекачоў. Паводле статыстычных звестак, з 2012 да 2019 года ў ФРГ прыбыло два мільёны асоб, якія шукаюць прытулку. Месцам жыхарства Нямеччыну абралі таксама і шматлікія грамадзяне з іншых краін Еўразвязу і Турцыі. У канцы 2018 гадоў у ФРГ жыла 5 млн выхадцаў з краін ЕЗ і 1,5 млн туркаў.

Раней Федэральнае статыстычнае ведамства паведаміла, што насельніцтва Нямеччыны дасягнула рэкорднага ўзроўню і складае 83,2 млн чалавек. Як паказвае Der Spiegel, калі б не прыток замежнікаў, насельніцтва краіны, наадварот, няўхільна зніжалася б, пачынаючы з 1972 года.