Ва Ушацкім раёне рыбак праваліўся пад лёд, але паспеў патэлефанаваць маці
8- 20.02.2020, 20:47
- 18,989
Здарэнне адбылося на возеры Чарсвяцкае.
У чацвер, 20 лютага, на Віцебшчыне ледзь не загінуў 29-гадовы мужчына. Пра інцыдэнт праінфармавалі ў прэс-службе абласнога УМНС.
Няшчасны выпадак адбыўся на возеры Чарсвяцкае недалёка ад вёскі Апанасковічы, што ва Ушацкім раёне. Раніцай, прыкладна а 09.35 гадзін, у МНС патэлефанавала жанчына і паведаміла, што яе сын-рыбак тоне.
- Ратавальнікі, якія прыбылі на выклік, убачылі на вадаёме за 50 метраў ад берага мужчыну. Рыбак з-апошніх сіл трымаўся за гумовую лодку. Вяскоўца выцягнулі на бераг супрацоўнікі МНС з дапамогай выратавальных вяроўкі і круга. Выратаванага перадалі медыкам, - растлумачылі ў прэс-службе.
Высветлілася, што малады мужчына ў той дзень рыбачыў на возеры з лодкі. Але выбіраючыся на бераг, ён рухаўся па возеры і праваліўся пад лёд. Рыбаку пашанцавала, што ён не толькі паспеў ухапіцца за надзіманую лодку, але яшчэ і змог патэлефанаваць сваёй маці і папрасіць дапамогу. Цяпер мужчына знаходзіцца ў шпіталі, у яго было дыягнаставанае агульнае пераахаладжэнне.