Беларус на таксі дагнаў маршрутку, увайшоў у салон і ўдарыў кіроўцу па твары

Чаго мужчына так пакрыўдзіўся на маршрутчыка?

Мужчына вяртаўся з Віцебска дадому, у адну з вёсак. Чакаў маршрутку на аўтобусным прыпынку, але патрэбная маршрутка праехала міма. Мужчына раззлаваўся. Ён выклікаў таксі і дагнаў мікрааўтобус: увайшоў у салон, ударыў кіроўцы па твары і выйшаў, паведамляе onliner.by.

Інцыдэнт адбыўся 4 снежня. Мужчыне, які напаў на кіроўцу, 43 гады. Трэба адзначыць, што ён сам абраў няправільны прыпынак: гэтага прыпыначнага пункта проста не было на маршруце патрэбнай яму маршруткі. Кіроўца ж патэлефанаваў у міліцыю і паведаміў пра здарэнне.

- Асоба падазраванага аператыўна ўстаноўленая, і ён быў затрыманы супрацоўнікамі міліцыі. Віцебскім раённым аддзелам Следчага камітэта ў дачыненні да мужчыны распачатая крымінальная справа паводле артыкула «Хуліганства». У ходзе допыту ён растлумачыў, што прычынай гэтага ўчынку сталі злосць і крыўда на кіроўцу, бо ён не спыніўся, - паведаміла афіцыйная прадстаўніца ўпраўлення Следчага камітэта Віцебскай вобласці Аксана Лазько.

Следчыя дапыталі пацярпелага, абвінавачанага і сведак. Праведзеная праверка паказанняў на месцы, вочная стаўка, агледжаныя прадметы, прызнаныя рэчавымі доказамі, сабраны матэрыял, які характарызуе, заключэнні экспертыз, праведзеных спецыялістамі ДКСЭ, далучаныя да матэрыялаў крымінальнай справы.

Мужчыну выстаўленае абвінавачванне паводле ч. 1 арт. 328 («Незаконнае без мэты збыту набыццё, захоўванне наркатычных сродкаў») і ч. 1 арт. 339 («Хуліганства») Крымінальнага кодэкса. Да яго ўжытая мера стрымання ў выглядзе падпіскі аб нявыездзе і належных паводзінах.

Расследаванне крымінальнай справы завершанае, матэрыялы перададзеныя пракурору для накіравання ў суд.