Турцыя абстраляла 21 цэль у Сірыі
3- 22.02.2020, 20:17
- 16,115
Агонь быў адкрыты ў адказ на гібель турэцкага вайскоўца.
Узброеныя сілы Турцыі правялі абстрэл 21 цэлі ў Ідлібе, Сірыя. Агонь быў адкрыты ў адказ на гібель турэцкага вайскоўца.
Пра гэта паведамляе «Новое время» са спасылкай на інфармагенцтва Anadolu.
У турэцкім Міністэрстве абароны паведамілі, што ўдар быў нанесены ў адказ на танкавы абстрэл пазіцый Узброеных сіл Турцыі на паўночным захадзе Сірыі, у выніку якога адзін турэцкі вайсковец атрымаў цяжкія раненні і памёр па дарозе ў бальніцу.
Сірыйскія ўрадавыя войскі пры падтрымцы расейскай авіяцыі вядуць наступ на сельскія раёны Алепа і частку суседняй правінцыі Ідліб, што падкантрольныя сірыйскай апазіцыі.
20 лютага ў выніку авіяўдару сіл сірыйскага рэжыму Башара Асада ў сірыйскай правінцыі Ідліб загінулі два турэцкія вайскоўцы і яшчэ пяць атрымалі раненні.
Падчас папярэдніх двух нападаў з боку ўрадавых сіл загінулі 13 турэцкіх вайскоўцаў. У сувязі з надыходам сіл Асада на Ідліб прэзідэнт Турцыі Рэджэп Таіп Эрдаган папярэдзіў пра пачатак паўнавартаснай вайсковай аперацыі ў гэтым рэгіёне.