З менскіх лякарняў заўчасна выпісваюць пацыентаў
15- 20.03.2020, 17:11
- 35,994
З аддзялення кардыялогіі 3-й гарадской лякарні Менска выпісалі ўсіх хворых.
Пра гэта сайту Сharter97.org паведамілі ў незалежным прафзвязе працаўнікоў радыёэлектроннай прамысловасці (РЭП). Гэтую інфармацыю РЭП атрымаў непасрэдна ад пацыентаў кардыялагічнага аддзялення 3-й гарадской клінічнай лякарні.
У незалежным прафзвязе мяркуюць, што аддзяленне будзе выкарыстоўвацца для лячэння заражаных каронавіруснай інфекцыяй і ізаляцыі асоб, якія кантактавалі з імі.
Нагадаем, раней Міністэрства аховы здароўя заявіла, што пацыентам з траўмамі часова не будуць надаваць медыцынскую дапамогу ў 6-й лякарні Менска. Гэта звязанае з тым, што клініку перапрафілявалі пад шпіталізацыю пацыентаў, якія кантактавалі з заражанымі каранавірусам.
Толькі паводле інфармацыі Міністэрства аховы здароўя ў Беларусі ўжо 69 выпадкаў каранавірусу. Шэраг незалежных экспэртаў мяркуе, што беларускія ўлады прымяншаюць колькасць заражаных.