10 красавiка 2020, пт 9:39

Народны каранцін у дзеянні: беларусы застаюцца дома фатаздымкі 7

10:27 26.03.2020 — Грамадства

Рэпартажы з сацыяльных сетак.

Шмат хто з беларусаў прыслухаўся да парад лекараў і застаецца дома. Фота і каментары з хэштэгам #народныйкарантин можна знайсці ў сацыяльных сетках, паведамляе тэлеграм-канал «Баста»:

- Вяшчаю з сваёй аднапакаёвай кватэры. Сёння, ды ўжо як і два дні таму, я выходжу на двор толькі ў пільных выпадках. Тлумачу гэта тым, што не меруся чакаць, пакуль «ачомаецца» наша дзяржава. Я чалавек і, як і ўсе, асуджаная на свабоду выбару. Бо ўрэшце мы самі адказваем за сваё жыццё. Усім здароўя і глуздоў.

- У такі цяжкі момант для ўсяго свету мы ўсе, як ніколі, маем трымацца адзін ад аднаго... як мага далей!

- Мы на добраахвотным карантыне. Называецца гэта - паклапаціцеся пра сябе самі.

Напярэдадні лідары беларускай апазіцыі і грамадскія дзеячы выступілі са зваротам да грамадзян Беларусі.

У звароце гаворыцца, што падчас глабальнай успышкі каранавіруса (COVID-19), самай небяспечнай пандэміі 21 стагоддзя, беларускія ўлады зрабілі ўсё, каб у Беларусі распаўсюджванне гэтай хваробы прыняло некантраляваны характар, падстаўляючы пад смяротную небяспеку жыцці ўсіх без выключэння жыхароў нашай краіны.

У гэтай сітуацыі грамадскія і палітычныя дзеячы Беларусі прызвалі ў перыяд з 23 сакавіка да 5 красавіка ўвесці Народны карантын, які ўключае наступныя захады:

- адмовіцца ад удзелу ва ўсіх масавых мерапрыемствах;

- не адпраўляць дзяцей у яслі, дзіцячыя садкі, школы і іншыя навучальныя ўстановы;

- не наведваць універсітэты, патрабаваць ад кіраўніцтва навучальных устаноў увядзення дыстанцыйнага навучання;

- па магчымасці абмежаваць свае сацыяльныя кантакты да мінімуму. У многіх краінах апраўданым падчас карантыну з'яўляецца выхад з дому толькі ў харчовую краму ці аптэку.

- забяспечыць самаізаляцыю і выкананне санітарных правілаў, праводзіць дбайную дэзінфекцыю месцаў пражывання, асабліва інтэрнатаў.

Зварот з прапановай увесці Народны карантын падпісалі:

Уладзімір Някляеў, паэт, старшыня руху «За дзяржаўнасць і незалежнасць Беларусі»

Андрэй Саннікаў, каардынатар грамадзянскай кампаніі «Еўрапейская Беларусь»

Сцяпан Святлоў (NEXTA), блогер

Павел Севярынец, сустаршыня Беларускай Хрысціянскай Дэмакратыі

Мікалай Статкевіч, старшыня партыі «Народная грамада»

Генадзь Фядыніч, Прафзвяз работнікаў радыёэлектроннай прамысловасці (РЭП)

Юры Хашчавацкі, кінарэжысёр

Напісаць каментар (7)