Брытанскі прэм'ер Барыс Джонсан пераведзены з рэанімацыі

Ён застаецца ў бальніцы з каранавірусам.

Прэм'ер-міністр Вялікабрытаніі Барыс Джонсан, шпіталізаваны з каранавірусам, пераведзены з аддзялення рэанімацыі і інтэнсіўнай тэрапіі бальніцы Сэнт-Томас у агульнае аддзяленне, паведамляе ВВС.

55-гадовы Джонсан у нядзелю быў шпіталізаваны з «устойлівымі сімптомамі» Covid-19, а ў панядзелак, калі яго стан пагоршыўся, яго перавялі ў аддзяленне рэанімацыі.