Відэазварот дзіцячых пісьменнікаў: У казках дабро перамагае зло. У жыцці - таксама
3- 27.09.2020, 17:22
- 18,208
Спынім дыктатуру разам.
«Мы хочам, каб у краіне працаваў закон. Мы хочам прыдумляць антыўтопіі, а не жыць у іх», - гаворыцца ў анатацыі да відэазвароту супраць гвалту, які запісалі беларускія літаратары, якія пішуць для дзяцей. Сярод іх - Ганна Янкута, Вера Бурлак, Надзея Кандрусевіч, Вольга Акуліч, Наталка Харытанюк, Дыяна Балыка, Надзея Ясімінска, Марыя Мартысевіч, Яўгена Пастэрнак і Андрэй Жвалеўскі.
«Як ніколі не позна мець шчаслівае дзяцінства, так ніколі не позна ўсвядоміць сябе чалавекам, грамадзянінам і пачаць жыць у вольнай краіне шчаслівых людзей. І для гэтага зусім неабавязкова пакідаць Беларусь. Для гэтага трэба ўсяго толькі спыніць дыктатуру», - уважае драматург Дыяна Балыка.
«У мяне няма чароўнай палачкі, але ў мяне ёсць спосаб адпомсціць сілавікам і фальсіфікатарам і ўсім сілам цемры, што расхадзіліся ў Беларусі. Маёй помстай будзе свабода дзяцей, свабода, якую дзеці знойдуць у гісторыях і казках», - папярэджвае Наталка Харытанюк.
«У казках дабро заўсёды перамагае зло. У жыцці - таксама», - перакананыя Яўген Пастэрнак і Андрэй Жвалеўскі.