Навукоўцы: Рэгулярная фізічная актыўнасць дапамагае засцерагчыся ад цяжкай формы COVID-19

Для даследавання сабралі звесткі амаль 50 тысяч пацыентаў.

Людзі, якія вялі маларухомы лад жыцця, з значна большай імавернасцю былі шпіталізаваныя і памерлі ад COVID-19, чым тыя, хто рэгулярна займаўся спортам. Як паказвае даследаванне, апублікаванае ў часопісе British Journal of Sports Medicine (пераклад - «УНІАН»), большая колькасць фізічных практыкаванняў азначае меншую рызыку развіцця цяжкай формы COVID-19.

Навукоўцы давялі, што недахоп фізічнай актыўнасці - прычына 8% неінфекцыйных захворванняў і смерцяў ва ўсім свеце

Напрыклад, пацыенты, якія ўвесь час былі неактыўныя (менш за 10 хвілін на тыдзень), мелі большую рызыку шпіталізацыі і смерці, чым тыя, хто трэніраваўся 150+ хвілін на тыдзень.

Для даследавання навукоўцы сабралі звесткі амаль 50 тысяч пацыентаў з COVID-19 з ЗША. Напрыклад, аб вядомых фактарах рызыкі цяжкай формы COVID-19 у кожнага чалавека: аб іх узросце, паленні, вазе і наяўнасці ў анамнезе рака, дыябету, трансплантацыі органаў, праблем з ныркамі і іншых сур'ёзных станаў.

Так, даследнікі выявілі, што людзей з найменш актыўнай групы, якія амаль ніколі не займаліся спортам, шпіталізавалі з COVID-19 удвая часцей, чым людзей у найбольш актыўнай групе. Згодна з гэтым імавернасць памерці ад COVID-19 у іх была прыкладна ў два з паловай разы вышэйшай.

З іншых распаўсюджаных фактараў рызыкі цяжкага захворвання толькі сталы век і трансплантацыя органаў павялічваюць імавернасць шпіталізацыі і смяротнасці ад COVID-19 больш, чым бяздзейнасць.

«Сядзячы лад жыцця быў самым вялікім фактарам рызыкі цяжкага захворвання, калі толькі хтосьці не быў паджылым чалавекам ці не атрымліваў орган. І хоць вы нічога не можаце зрабіць з іншымі рызыкамі, вы можаце займацца спортам», - кажа доктар Роберт Саліс, лекар сямейнай і спартыўнай медыцыны з Медыцынскага цэнтра Kaiser Permanente Fontana, які праводзіў даследаванне.

Навукоўцы мяркуюць, што рэгулярныя практыкаванні - плаванне, шпацыр, бег або паездка на ровары - могуць істотна знізіць нашы шанцы сур'ёзна захварэць, калі мы заразімся COVID-19.

Са слоў доктара Саліса, дарослыя павінны выконваць:

- ад 150 да 300 хвілін на тыдзень практыкаванняў сярэдняй інтэнсіўнасці

- або ад 75 да 150 хвілін на тыдзень займацца аэробнай фізічнай актыўнасцю высокай інтэнсіўнасці.

У той жа час Саліс дадаў, што нават базавага ўзроўню фізічных практыкаванняў, такіх як хады 30 хвілін на дзень, пяць дзён на тыдзень, дастаткова, каб дапамагчы арганізму змагацца з рознымі захворваннямі, напрыклад, з COVID-19.

У той жа час гэта даследаванне не даводзіць, што фізічныя практыкаванні зніжаюць рызыку цяжкай плыні COVID-19, а толькі тое, што людзі, якія часта займаюцца спортам, з'яўляюцца людзьмі з нізкай рызыкай цяжкага захворвання. У даследаванні таксама не высвятлялася, ці зніжаюць практыкаванні рызыку заражэння каранавірусам. Але доктар Саліс адзначае, што сувязь паміж фізічнай актыўнасцю і цяжкай формай COVID-19 у даследаванні была моцнай.

«Я думаю, што на аснове гэтых звестак мы можам сказаць людзям, што хуткая хада цягам паловы гадзіны пяць разоў на тыдзень павінна дапамагчы засцерагчы іх ад цяжкай формы COVID-19», - кажа Саліс.

З ягоных слоў, шпацыр можа быць асабліва карысным для людзей, якія чакаюць сваёй першай дозы вакцыны.

«Я б ніколі не параіў таму, хто рэгулярна займаецца спортам, адмовіцца ад вакцынацыі. Але датуль, пакуль яны яе не атрымаюць, рэгулярныя практыкаванні - гэта самае важнае, што можна рабіць, каб паменшыць сваю рызыку», - запэўнівае доктар.