29 сакавiка 2024, Пятніца, 2:48
Падтрымайце
сайт
Сім сім,
Хартыя 97!
Рубрыкі

Чэхія выключыла «Расатам» з кандыдатаў на дабудоўванне савецкай АЭС

2
Чэхія выключыла «Расатам» з кандыдатаў на дабудоўванне савецкай АЭС
ФОТА: CT24.CESKATELEVIZE.CZ

Сярод кандыдатаў на ўдзел у тэндары застаюцца амерыканская, французская і паўднёвакарэйская кампаніі.

Урад Чэхіі вырашыў адхіліць расейскую дзяржкарпарацыю «Расатам» ад будаўніцтва новага энэргаблока чэшскай АЭС «Дукованы». Пра гэта паведаміў чэшскі віцэ-прэм'ер і кіраўнік Мінпрамгандлю Карэл Гаўлічак, паведамляе «Чэшскае тэлевізія»

Сярод кандыдатаў на ўдзел у тэндары на дабудоўванне АЭС застаюцца амерыканская, французская і паўднёвакарэйская кампаніі. Кошт праекта ацэньваецца прыкладна ў €6 млрд.

АЭС «Дукованы» пабудаваў у 1970-я - 1980-я гады Савецкі Саюз у рамках дамовы з Чэхаславакіяй. Электрастанцыя пакрывае больш за 20% спажывання энэргіі ў краіне. На 2029 год планавалася пачаць будаўніцтва новага энэргаблока, якое павінна завяршыцца ў 2036 годзе.

Раней Гаўлічак казаў, што «Расатам» не дапусцяць да ўдзелу ў будаўніцтве нават у якасці субпадрадчыка. Гэта адбылося на фоне дыпламатычнага скандалу з Расеяй. Прага выслала з краіны 18 расейскіх дыпламатаў, якіх абвінавацілі ў працы на расейскія спецслужбы. На думку Чэхіі, яны могуць быць датычныя да арганізацыі выбухаў на складах боепрыпасаў у чэшскай вёсцы Врбецыцэ ў 2014 годзе, калі загінулі два чалавекі.

Напісаць каментар 2

Таксама сачыце за акаўнтамі Charter97.org у сацыяльных сетках