З’явіўся яшчэ адзін доказ таго, што расейскія спецслужбы ведалі пра тэракт у «Крокусе»

Раніцай 22 сакавіка тэрарыстаў "шукалі", а ўвечары ўжо "прапусцілі".

Інфармацыя, якую публікуе блізкі да расейскіх сілавікоў Telegram-канал “ВЧК-ОГПУ”, паказвае на тое, што расейскія спецслужбы ведалі аб тым, што 22 сакавіка ў маскоўскім рэгіёне можа быць учынены тэракт. Аднак з дзіўных абставін атаку на атаку на “Крокус Сіці Хол” прапусцілі.

"Адразу пасля выбараў Пуціна і яшчэ, калі не было інаўгурацыі, надумалі ніяк не паказваць пагрозу насельніцтву і спрабавалі выявіць пагрозу з дапамогай аператыўнай інфармацыі", — піша Telegram-канал.

Як высветлілі крыніцы канала, раніцай 22 сакавіка на асноўных магістралях у Маскоўскай вобласці быў узмоцнены кантроль транспартных сродкаў.

“Тармазілі практычна ўсіх запар, хто рухаўся ў бок Масквы, у некаторых месцах было па 2-3 экіпажы. Прыцягнулі нават АР ДПС АГІБДР па Уласіхе, якая працуе на тэрыторыі ЗАТ Красназнаменск (Галіцына-2) і Уласіхі. Са слоў крыніцы, ішлі суцэльныя праверкі кіроўцаў і пасажыраў. Да працы “на зямлі” АР ДПС Уласіха прыцягнуў нават малодшы сяржанцкі склад, чаго звычайна таксама не адбываецца”, - піша канал.

“22 сакавіка ля “Крокуса” сустракаліся славянскія баксёры і спартоўцы з Паўночнага Каўказа. Напярэдадні ў іх адбыўся канфлікт у баксёрскім клубе Грыгорыя Дразда. Аднак, як толькі славяне прыбылі да “Крокуса”, на іх накінуліся дзясяткі ўзброеных спецназаўцаў, якія абклалі баксёраў, як “тэрарыстаў” і доўга трымалі на зямлі. Прычым спецназ, як высветлілася, чакаў на месцы спартоўцаў, якія прыязджалі”, — падае новую інфармацыю крыніцы канала.

22 сакавіка раніцай і ўдзень шукалі, чакалі тэрарыстаў, але ўвечары ўдар "прапусцілі".