Снайперы ССА паказалі, як знішчаюць акупантаў пад Аўдзееўкай

Відэафакт.

Украінскія вайскоўцы працягваюць знішчаць жывую сілу супраціўніка на Аўдзееўскім кірунку. Напярэдадні групу захопнікаў на гэтым адцінку фронту ліквідавалі снайперы Сіл спецыяльных аперацый УСУ.

Акупантаў зафіксавалі падчас перамяшчэння. Як піша obozrevatel.com, пра гэта паведамляе Telegram-канал ССА УСУ.

Снайперы трэцяга асобнага палка Сіл спецыяльных аперацый падчас назірання на Аўдзееўскім кірунку зафіксавалі перамяшчэнне групы супраціўніка. Пасля гэтага па захопніках быў адкрыты агонь. У выніку працы ўкраінскіх снайпераў, усе акупанты былі ліквідаваныя.

Снайпер з пазыўным «Вішня» адзначыў, што байцы ССА забяспечваюць прыкрыццё падраздзяленняў, знішчаюць дыверсійна-выведвальныя групы і наглядальныя пункты супраціўнкаў у сваёй зоне адказнасці. Таксама баец падкрэсліў, што зладжаная работа абаронцаў дае станоўчы ўплыў на выкананне баявых задач.