«Расейцы сталі ахвярамі сваёй жа прапаганды»
14- 28.03.2024, 18:05
- 9,676
Імклівыя змены ў Расеі не будуць азначаць змену стаўлення РФ да свету.
Наўрад ці што-небудзь зменіцца, калі расейскі дыктатар Уладзімір Пуцін знікне, распавёў кіраўнік ГУР МА Украіны Кірыл Буданаў. Падчас выступу на форуме Kyiv Stratcom Forum ён папярэдзіў, што імклівыя змены ў Расеі не будуць азначаць змяненне стаўлення РФ да свету, піша zn.ua.
«Рытарычнае пытанне. Хутка сапраўды нічога не зменіцца, адразу вам кажу. З імклівымі зменамі ў РФ не можа імкліва змяніцца іх стаўленне да свету, іх светаўспрыманне, - растлумачыў Буданаў. - Зразумейце, што яны сталі насамрэч ахвярамі сваёй жа прапаганды. Гэта адбылося, яны гэта прызнаюць».
Буданаў падкрэсліў, што расейскае грамадства апрацаванае на нянавісць да Украіны і Захаду. Так што нават калі з'явіцца той, хто спыніць вайну, гэтае пачуццё будзе яшчэ ўплываць на прыняцце пастаноў у РФ вельмі доўга.
На думку кіраўніка ГУР МА, ва Украіне будзе тое ж самае. Напрыклад, пасля Другой сусветнай вайны «цяжка было знайсці чалавека, які б глядзеў на ФРГ, як на сяброў». Зрэшты, зараз сітуацыя змянілася, бо «ўсё праходзіць з гадамі».
«[Уявім], усё спынілася, Расея папрасіла прабачэння — хто паверыць Расеі праз год? Гэта незваротныя працэсы, якія ўжо прайшлі ў грамадстве. Для гэтага патрэбныя гады і праца», - адзначыў Буданаў.