Вайсковы эксперт: Шайгу прыкрываецца С-500

Над міністрам абароны РФ згушчаюцца хмары.

Нядаўняя заява міністра абароны РФ Сяргея Шайгу аб хуткім паступленні ў расейскія войскі новых зенітных ракетных комплексаў С-500, якія распрацоўваліся яшчэ да поўнамаштабнага ўварвання ва Украіну, і нарошчванні паставак «Панцыраў» прадыктаваная і апаратнымі, і вайсковымі прычынамі.

Такой думкай у каментары FREEДОМ падзяліўся ўкраінскі вайсковы аглядальнік Дзяніс Паповіч. Ён мяркуе, што Шайгу спрабуе прыкрыцца ў святле хмар, якія згушчаюцца над ім.

- Шайгу варта было б задумацца аб сваіх даляглядах на пасадзе міністра абароны ў святле праблем з яго намеснікам Цімурам Івановым, арыштаваным у РФ нібыта за хабар. Цалкам відавочна, там капаюць пад яго, і яму б заняцца ўласнымі апаратнымі праблемамі. Таму гэтую заяву аб пастаўках сучасных зенітных ракетных сістэм у распараджэнне войска Расейскай Федэрацыі я расцэньваю як спробу, увогуле, прыкрыцца ў сувязі з праблемамі з яго намеснікам. Гэта значыць, заяўляе пра нейкія поспехі: паглядзіце, які я добры і класны, мы пастаўляем новыя сістэмы ўзбраення ў расейскае войска, калі ласка, мяне не чапайце, пакіньце мяне на пасадзе міністра абароны, — пракаментаваў Паповіч.

З іншага боку, як адзначае вайсковы аглядальнік, у Мінабароны РФ асцерагаюцца, што, па-першае, са з'яўленнем ва Украіны ATACMS большай далёкасці расейская супрацьпаветраная абарона апынецца пад дадатковай нагрузкай, па-другое, што Украіна можа атрымаць дабро на ўдары гэтымі ракетамі па вайсковых аб'ектах у РФ.

- Відавочна, у РФ разумеюць, што са з'яўленнем ATACMS – гэта балістычная ракета, па сутнасці сваёй, і з усімі вынікаючымі адсюль дзеянні з нагоды яе збівання – сістэма СПА Расейскай Федэрацыі, якая і так носіць ачаговы характар, атрымае дадатковую нагрузку. І сітуацыя ў Джанкоі, калі наносіліся ўдары ATACMS, цалкам паказала, што не было належнай рэакцыі з боку СПА акупаванага Крыма на гэтую атаку. Цяпер, відавочна, Расейская Федэрацыя моцна задумваецца над тым, каб ушчыльніць свае сістэмы СПА фактычна над усімі аб'ектамі, якія прылягаюць да межаў Украіны. Відавочна, яны могуць падазраваць, што мы суцэль маглі б атрымаць дазвол на абстрэлы тэрыторыі РФ гэтымі ракетамі. Яны могуць і з гэтага зыходзіць, - мяркуе Дзяніс Паповіч.