Якая сітуацыя на мяжы з ЕЗ перад выходнымі

Аўтобусы праязджаюць у Літву і Латвію без чэргаў.

На выезд з Беларусі ў ЕЗ каля прапускных пунктаў сабралася блізу 2800 грузавікоў. Гэта вынікае з звестак Дзяржаўнага памежнага камітэта.

На 14-ю пятніцы, 26 красавіка, у бок Літвы ў «Каменным Логу» чакалі афармлення 700 фураў, у «Беняконях» значна менш – 550. Кантрольныя службы Літвы, паводле звестак з пачатку тыдня, прапусцілі на сваю тэрыторыю ўсяго чвэрць фураў ад нормы. Самы загружаны маршрут на гэтым кірунку па-ранейшаму праходзіць праз «Мядзінінкай» / «Каменны Лог».

Легкавых машынаў у «Каменным Логу» на 14-ю у чарзе было 50, а ў «Беняконях» – 40. Аўтобусаў у першай палове дня ў чарзе не было зусім.

У латвійскім пункце пропуску «Патэрніекі» / «Грыгароўшчына» ў чарзе стаяла 725 аўтацягнікоў. Легкавыя аўтамабілі і аўтобусы праязджалі без затрымак. З панядзелка праз гэты памежны пераход у Латвію ўехала крыху больш за трэць фураў ад нормы.

Перад пунктам пропуску «Цярэспаль» / «Брэст» у бок Польшчы на 14-ю чакалі 16 аўтобусаў, а таксама 20 легкавых аўтамабіляў.

Што да грузавікоў, то ў пункце «Казловічы» назбіралася чарга з 800 фураў. Паводле звестак Дзяржаўнага памежнага камітэта, кантрольныя службы пункта «Кукурыкі» / «Казловічы» прапусцілі больш за палову аўтамабіляў ад нормы з пачатку тыдня.