У Беларусі вядомы банк таемна падняў стаўкі па крэдытах

Гэта закранула ў тым ліку пазыкі на нерухомую маёмасць.

«Банк БелЗЭБ» з 8 траўня падвысіў адсоткавую стаўку па крэдытах на нерухомасць, якія выдаюцца на агульных умовах. Цяпер яна складае 17,22% гадавых. Пра гэта «Зеркалу» паведамілі ў кантакт-цэнтры фінустановы.

Пры гэтым на сайце банка ў раздзеле з навінамі аб падвышэнні ставак не паведамляецца, гаворыцца толькі аб павелічэнні тэрміна крэдытавання для некаторых пазык.

Раней стаўка была на ўзроўні 16,6%. З 8 траўня яна складае 17,22% (гэта стаўка рэфінансавання, якая зараз складае 9,5% гадавых, плюс 7,72%).

Банк прапануе крэдыт на нерухомасць на тэрмін да 20 гадоў. Банк гатовы выдаць да 90% ад кошту аб'екта нерухомасці (150 000 рублёў у выпадку рэфінансавання крэдытаў іншых банкаў). Але ёсць абмежаванні па ўзросце - ад 21 года да 55 гадоў.

Дарэчы, «Банк БелЗЭБ» таксама падняў стаўкі для многіх іншых крэдытаў, у тым ліку спажывецкіх.