У Менскім моры злавілі вялізнага карпа

Выявілася, што зараз такіх там шмат.

У TikTok папулярны ролік, у якім рыбакі выцягваюць з Менскага мора непрыстойна вялізнага 10-кілаграмовага карпа. За кароткі час відэа набрала больш за мільён праглядаў, а каментатары сталі жартаваць пра радыяцыю. «Онлайнер» расказвае, чаму такіх вялікіх карпаў у гэтым сезоне на Менскім моры будзе нямала, але тут няма чаму дзівіцца.

Мы звярнуліся па каментар да рыбака і блогера Івана Мазоўкі. З яго слоў - на відэа сапраўды люстраны карп. І ён сапраўды незвычайна буйны, але гэтаму ёсць тлумачэнне.

- Гэтую рыбу, а таксама шчупака і карася запускалі ў Менскае мора ў рамках зарыблення арганізацыяй БТПР (Беларускае таварыства паляўнічых і рыбаловаў). Асобныя рыбіны досыць хутка дасягаюць такіх памераў пры добрай кармавой базе вадаёма, так што нічога дзіўнага няма.

А вось спосаб лоўлі, які мы назіраем на відэа, цалкам можна аднесці да забароненых (згодна з артыкулам 16.25 КоАП РБ). Гэта лоўля спінінгам, але ўлоў кручком прынады за хвост ці іншую частку цела рыбы, як на відэа, — менавіта выпадковы! Карп - рыба мірная, яна ў вельмі рэдкіх сітуацыях атакуе спінінгавыя прынады, а так трапляецца на розныя прынады і асадкі досыць часта рыбаловам.

Гэта не рэдкасць, калі пры спінінгавай лоўлі выпадкова трапляецца не профільная рыба. Гэта не зусім «сумленна», але такое бывае, так што ўлоў сапраўды ўражальны, аднак злоўленую такім чынам рыбіну лепш адпусціць, каб не было праблем.

Варта адзначыць, што, мяркуючы з наступнага роліка на старонцы рыбакі так і зрабілі. Велізарны карп адплыў назад у Менскае мора, каб даваць патомства на доўгія гады, і пакаранне па КоАП нікому таксама не свеціць - усе засталіся шчаслівыя.