Украіна атрымае шэсць радараў TRML-4D

Для чаго яны патрэбныя.

Украіна атрымае яшчэ 6 радараў паветранага назірання TRML-4D для патрэб СПА ад нямецкага вытворцы Hensoldt.

Пра гэта паведамляе прэс-служба вытворцы радараў Hensoldt.

Як распавялі ў кампаніі, заказчыкам радараў Міністэрства абароны Украіны. Пры гэтым аплата за іх будзе праведзеная ўрадам Нямеччыны ў рамках вайсковай дапамогі.

Кошт закупу шасці радараў TRML-4D складае больш за 100 мільёнаў еўраў.

Радары будуць дастаўленыя ва Украіну ўжо сёлета.

TRML-4D - гэта радары сярэдняй далёкасці C-дыяпазону сямейства TRML, распрацаваныя ў 2018 годзе. Радар можа выяўляць, адсочваць і класіфікаваць розныя тыпы паветраных цэляў – крылатыя ракеты, а таксама самалёты і верталёты, якія манеўруюць або ляцяць на малых вышынях.

TRML-4D можа выяўляць да 1500 цэляў у радыусе 250 км.

Ён абсталяваны фазаванай антэннай рашоткай з электронным сканаваннем на аснове прыёмаперадаючых модуляў з нітрыду галію.

Асаблівасцю радара з'яўляецца тое, што ён можа працаваць самастойна і такім чынам выяўляць паветраныя цэлі. TRML-4D можа ўзаемадзейнічаць з сістэмамі СПА IRIS-T.