Мусіенка: Ядзерныя вучэнні ў Беларусі могуць быць звязаныя з Літвой

Экспэрт указаў на новыя факты.

Ваенны экспэрт Аляксандр Мусіенка ў эфіры тэлемарафону пракаментаваў заявы Лукашэнкі аб пачатку ядзерных выпрабаванняў у Беларусі.

“Лукашэнка зараз актыўна ўдзельнічае ў гэтым. Магчыма, яны сапраўды разглядалі розныя сцэнары супраць Літвы, таму Літва пачала інтэнсіўныя ваенныя вучэнні. Але важна, што змянілася ў NАТО. Звярніце ўвагу на заяву la Repubblica, што NАТО адсунула чырвоныя лініі ў сутыкненні з РФ. Яны пішуць, што краіны NАТО разглядаюць варыянты нанясення ўдараў па тэрыторыі Беларусі. А гэта сігнал для Лукашэнкі, што ўсялякія правакацыі будуць несці сур'ёзныя наступствы”, - растлумачыў Мусіенка.

Ён таксама зазначыў, што Расея рэгулярна пачынае тэзу аб ядзернай небяспецы, калі мае праблемы на полі бою.

“Калі гэта пачынаецца, гэта дэманстрацыя бяссілля Расеі на полі бою. Бо РФ спрабуе дасягнуць вайсковых дэманстрацый. Але яны не ўлічылі, што Еўропа так актыўна ўключыцца ў дапамогу Украіне і што ЗША прагаласуе за выдачу пакета дапамогі. І іх пазіцыі ўжо не выглядаюць настолькі ўпэўнена нават нягледзячы на тое, што яны актывізуюць наступальныя дзеянні”, - сказаў Мусіенка.

Ён таксама дадаў, што праз складаную сітуацыю на фронце, РФ вымушана звяртацца да псіхалагічнай дэстабілізацыі як ва Украіне, так і на Захадзе.

“Калі б Расея была перакананая, што яны могуць дасягнуць перамогі вайсковым шляхам, яна б не звярталася да іншых інструментаў. У там зараз адбываецца цэлая кампанія дэстабілізацыі Украіны і Еўропы. Гэта і замах на Зяленскага і дэстабілізацыя ў Еўропе. Нас яшчэ шмат чаго чакае ў гэтым месяцы, будзе вялікая колькасць ІПСА. І пад гэта вучэнні з ядзернай зброяй”, - адзначыў Мусіенка.