«Не бянтэжаць дарагія аўтамабілі, якія стаяць унізе»

У Менску дзеці кідалі камяні з балкона шматпавярховага дома.

У Менску на вуліцы Старынаўскай чытач «Онлайнера» зняў на відэа сумнеўную забаўку дзяцей. Тыя, з яго слоў, кідалі камяні з агульнага балкона шматкватэрнага дома.

«Дакладны адрас - Старынаўская, 2, - падзяліўся аўтар запісу. - Дзяцей не бянтэжаць дарагія аўтамабілі, якія стаяць унізе. Мне ледзь па галаве не патрапілі. Іншым людзям таксама».

Сапраўды, паглядзеўшы запіс, няцяжка заўважыць, што каля дома пад балконамі стаяць аўтамабілі. Таксама ў доме размешчаныя некалькі крамаў. Камяні, якія падаюць, цалкам могуць закрануць кагосьці з мінакоў.

Журналісты звярнуліся да юрыста з просьбай пракаментаваць гэтую сітуацыю. Вось што даведаліся.

Дзіця ва ўзросце да 14 гадоў не прыцягнуць да адміністрацыйнай адказнасці. Адказваць давядзецца бацькам (законным прадстаўнікам) за невыкананне абавязку па выхаванні (частка 1 артыкула 10.3 КоАП). Аднак пры гэтым сям'ю выклічуць на камісію па справах непаўналетніх або паставяць дзіця на ўлік у інспекцыі па справах непаўналетніх і будуць ажыццяўляць кантроль за яго паводзінамі.

Ва ўзросце ад 14 да 16 гадоў адказнасць узрастае. Падлеткам ва ўзросце ад 16 да 18 гадоў давядзецца адказваць самастойна.