Як злятаць з Менска ў Палангу за 70 еўраў

Варыянт для таннай паездкі на мора.

Кожны тыдзень citydog.by выбірае танныя варыянты для падарожжаў. Сёння Індыя, Эфіопія, Паланга і таннае жыллё ў Нідэрландах.

МІНСК - ДЭЛІ - МІНСК ЗА 297 ЕЎРАЎ

Украінская авіякампанія МАУ знізіла кошты на квіткі з Менска ў Дэлі. Паляцець у Індыю і вярнуцца ў Менск цяпер можна за 297 еўраў - пры ўмове, што вы збіраецеся ў траўні або чэрвені. Па шляху вас чакаюць непрацяглыя стыкоўкі ў Кіеве, але гэта не страшна. Па-першае, Кіеў. Па-другое, непрацяглыя. Толькі ўлічыце, што на МАУ часта скардзяцца - у іх бываюць скасаванні рэйсаў.

ДОМ У НІДЭРЛАНДАХ ЗА 12 ЕЎРАЎ З ЧАЛАВЕКА

Калі збіраецеся кампаніяй у Нідэрланды, але не ў Амстэрдам, а куды цішэй, то едзьце ў Хеель. Там у сакавіку-красавіку і лістападзе-снежні прапануюць зняць дом на шэсць чалавек за 12 еўра ў дзень з аднаго. У доме ёсць басейн, Wi-Fi, стаянка, тэраса, тры спальні і кухня.

У ЭФІОПІЮ І НАЗАД ЗА 377 ЕЎРАЎ

Французская кампанія Air France прапануе вам танна злятаць у Эфіопію. Добра, проста прапануе злятаць Эфіопіі, таму што калі вы раптам збіраліся, то ніякія грошы вас відавочна не спыняць.

Тым не менш з красавіка да чэрвень з Варшавы ў Эфіопію можна паляцець за 377 еўраў. У кошт уваходзіць і палёт назад на самалёце французскіх авіяліній. Не забывайце толькі, што ў Эфіопію патрэбна віза.

МІНСК - ПАЛАНГА - МЕНСК ЗА 70 ЕЎРАЎ

Рэдка «Белавія» трапляе ў рубрыку танных падарожжаў, але і такое бывае - прычым па-за акцый. Авіякампанія знізіла кошт квіткоў на прамыя рэйсы з Менска ў Палангу з чэрвеня да жніўня. Праўда, палёты толькі па чацвяргах і нядзелях, але гэта і не праблема зусім, а проста факт, які варта ўлічваць пры планаванні адпачынку.