Amazon пачаў дастаўляць замовы ў аўтамабілі

Інтэрнэт-крама Amazon абвясціў пра пачатак даставак замоў у аўто карыстальнікаў.

Сэрвіс пакуль даступны толькі для ўладальнікаў пэўных марак аўто ў 37 гарадах ЗША, піша «Медуза».

Сэрвіс Amazon Key In-Car працуе з аўто вытворчасці General Motors і Volvo 2015 года або навей. У гэтых аўто ёсць функцыя дыстанцыйнага доступу, якую курьер выкарыстоўвае, каб адкрыць і замкнуць аўто.

Са слоў віцэ-прэзідэнта Amazon па дастаўцы Піцера Ларсена, кампанія задаволеная водгукамі на дастаўку замоў дадому ў адсутнасць гаспадароў, і хацела «вынесці ідэю за межы дамоў».

Восенню 2017 года кампанія Amazon пачала дастаўляць пасылкі дадому карыстальнікам, калі іх няма дома. Сэрвіс Amazon Key працуе дзякуючы «разумнаму» замку, які адмыкае дзверы ў патрэбны момант, і камеры, якая адсочвае тое, што адбываецца ў доме.